» » Жайылым жырына нүкте қойылады

Жайылым жырына нүкте қойылады

Сенаторлар жайылымдардың бірыңғай тапшылығы мәселесін шешу негізгі міндеті туралы заңды мақұлдады. Депутаттар құжатты әзірлеу туралы өздері бастама көтерген еді. Өйткені ауыл тұрғындары бұл проблеманы біраз жылдан бері айтып келеді. Сондықтан заңды кейінге қалдырудың жөні жоқ. Депутаттар бұл жолы не ұсынып отыр? Құжаттағы кей жаңалықтарды Егемен Қазақстан сайты төмендегідей түйіндеді:

Бірінші, енді шалғайдағы мал шаруашылығы жайылымдарын 5 жыл мерзімге тегін иемденуге ешкім мүм­кіндік бермейді. Сенаторлар ықти­мал сыбайлас жемқорлықтың осы нор­масын қолданыстағы заңнамадан алып тастады, сондықтан бұл олқылықты конкурстан тыс ешкім пайдалана алмайды. Сөйтіп, бұл жерлерді өзге ауыл тұрғындары қоғамдық қажеттілікке пайдалану мүмкіндігінен айырылады.
Екінші, жайылымға иелік ететіндер бұл жерлерді кем дегенде 50 пайызға пайдалануы керек, ал бұрын 20 пайыз жеткілікті болатын. Егер пайдаланған жерлерде мал аз болса, мемлекет ол жайылымды жер алқабы жетіспейтін басқа фермерге бере алады.
Үшінші, халықтың мұқтажына арнал­ған жайылымдарды ауыл шаруа­шы­лығы мақсатындағы алқаптардың басқа түріне ауыстыруға тыйым салынады.
Төртінші, енді орман шаруашылық­тары әкімдіктерге жыл сайын адамдарға шөп шабуға және мал жаюға рұқсат етілген мемлекеттік қор учаскелері туралы ақпарат беріп отыруға тиіс. Бұл орман қоры жерлерінде орналасқан жайылымдарды ұтымды пайдалануға мүмкіндік береді.
Бесінші, «Қоғамдық жайылымдар» ұғымы енгізіледі. Бұл елді мекеннің айналасындағы ауыл тұрғындарының мал жаюына арналған жерлердің мәртебесін нақтылау үшін маңызды.
«Кейінгі жылдары ауыл тұрғындары арасында жайылымдық жерлер мәселесі жиі көтеріліп жүр. Осы өзекті проблемаларды назарға алып, сенаторларымыз бірқатар заңнамалық өзгерістерге бас­тамашылық жасады. Атап айтқан­да, жа­йы­лымдардың халыққа қолжетім­ділі­гін қамтамасыз етуге және оны ұтым­­ды пайдалануға арналған жаңа ере­­же­­лер топтамасы мақұлданып отыр. Сон­дай-ақ жер­дің құнарлығын сақтау­ды көздейтін тың түзетулер енгі­зілді. Қарал­­ған заң жайы­лымдарды бас­қару, па­й­­­далану сала­сын­дағы мемле­кеттік сая­сат­ты жетіл­діруге және елімізде ауыл ша­руа­шы­лы­ғын дамытуға өз үле­сін қосады деп се­неміз», деді бұл жөнінде Мәулен Әшімбаев.
16 ақпан 2024 ж. 204 0