Жаңақорған аудандық сотына талап қоюшы Т. жауапкер Ж-дан 21 жасқа толғанша ай сайын 10 АЕК мөлшерінде алимент өндіру жайлы азаматтық іс қаралды.
Сот барысында жауапкер Ж-ның қызы 2004 жылдың 29 қазанында туған талап қоюшы Т-тің жоғарғы оқу орнының күндізгі оқу нысанының 2 курс студенті. Ол 18 жасқа толған. Әкесі Ж-ның материалдық көмек көрсетпейтінін негіздеп, жауапкер ретінде әкесінен жоғарғы оқу орнын аяқтағанша айлық есептік көрсеткіштің он еселеленген мөлшерінде алимент өндіруді сұрап, талап қоюмен жүгінген.
Жауапкер Ж. талап қоюды мойындап, талап қоюшы Т-тің пайдасына жиырма бір жасқа толғанша жоғарғы оқу орнында оқу кезеңіне  10 айлық есептік көрсеткіш мөлшерінде алимент төлеуге қарсы емес екенін көрсеткен.  
Аудандық соттың шешімімен талап қоюшы Т-нің жауапкер Ж-дан алимент өндіру жайлыталап қою арызы  қанағаттандырылды.
         Жауапкер Ж-дан талап қоюшы Т-нің пайдасына жиырма бір жасқа толғанға дейін 2023 жылдың 09 қаңтар бастап 2025  жылдың 30 маусымына дейін ай сайын айлық есептік көрсеткіштің  10 еселенген мөлшерінде алимент өндірілді.
         Ақпарат: Жаңақорған аудандық сотының баспасөз қызметі.