Айрықша ескеретін жайт биыл Конкурсқа 10 жыл толып отыр. Дәстүрлі түрде ұйымдастырылатын конкурсқа, 2016 жылы облыстық байқаудың жеңімпаздары ( Қызылорда облысы әкімдігінен "Шипажайға жолдама" сертификаты берілген) Сыздықовтар әулеті республикаға жолдама алып нәтижесінде жүлделі І орын иеленген болатын.Мемлекет басшысының дипломы және тұрмыстық техника сатып алуға арналған 300 мың теңгелік сертификат берілген.

Әбілпатта әкеміз бен Асма анамыздың шаңырағында 10 ұл, 4 қыз дүниеге келген. Балаларының бірі Республикалық айтыстарда көпшіліктің ризашылығына бөленген айтыскер ақын, "Ерен еңбегі үшін" медалінің иегері Жаңақорған ауданының «Құрметті азаматы» Әбілқайыр Сыздықов.

Бүгінде Сыздықовтар әулетінде 52 немере, 29 шөбере, 6 шөпшек шаңырақты шаттыққа бөлеп келеді.