ШАҒЫН НЕСИЕЛЕР САНЫ АРТПАҚ

Былтыр «Бастау» бойынша 3 мың адам жеке кәсібін ашып немесе бизнесін кеңейте алды. Тағы 8 мыңнан аса адам бизнес-жоспарларын сәтті қорғады. Тәжірибе көрсеткендей, жеке кәсіп бастағысы келетін ынталы азаматтар көп, ал бюджеттен бөлінген қаражат аз болып қалды.
Биыл Мемлекет басшысының тапсырмасымен шағын несиелеуге екі есе көп қаражат бөлінді. Бұл Президенттің бес әлеуметтік бастамаларының бірі.

 Биыл «Атамекен» «Бастау» жобасы бойынша 30 мың адамды оқытпақ. Түпкі мақсат – еліміз бойынша 6 мыңдай жаңа бизнес-жобаны қолға алу. Әр жоба – бұл пайда көзі мен жаңа жұмыс орындары ғана емес. Көп қатысушы үшін бұл өмірдің өзі.