Партия филиалында қоғамдық кеңес өтті

 Жиынды “AMANAT” партиясы Жаңақорған аудандық депутаттық фракция жетекшісі, әлеуметтік мәселелер жөніндегі қоғамдық кеңес төрайымы Әсемгүл Тілеубергенова жүргізді. Кеңес отырысына әлеуметтік мәселелер жөніндегі кеңес мүшелері, филиал қызметкерлері қатысты. Алқалы басқосуда күн тәртібіне бекітілген екі мәселе қаралды. Бірінші мәселе – медициналық көрсетілетін қызметтердің қолжетімділігін және сапасын арттыру. Осы мақсатта аудандық ауруханада 8 тәжірибелі дәрігер, 2 неонатолог, 1 нефролог, 1 кардиолог мамандарымен қамтамасыз ету жағдайы талқыланды. Сонымен қатар тұрғындар арасында қатерлі ісік ауруын анықтау мақсатында скрингтен уақтылы өткізу бойынша жұмыс жасау маңызды. Бұл жөнінде Жаңақорған ауданаралық аурухананың персоналды басқару және кадрлық жұмысты ұйымдастыру бөлімінің басшысы Гүлназ Бектұрғанова хабарлама жасады. Одан әрі “Бақытты отбасы” партиялық жобасы аясында ауданымызда іске асырылуы тиіс және жоба шеңберінде отбасының рөлін арттыруға, отбасылық құндылықтарды нығайтуға ықпал ететін түрлі акцияларды насихаттау мәселелері сөз болды.