АУМАҚТАРДЫ ДАМЫТУ ЖӨНІНДЕГІ ҚОҒАМДЫҚ КЕҢЕС ОТЫРЫСЫ

Бугін "AMANAT" партиясы аудандық филиалы жанындағы аумақтық даму мәселелері бойынша қоғамдық кеңес отырысы болып өтті. Аталмыш отырысты кеңес төрағасы Амалбеков Жасұлан Бекенұлы ашып жүргізді. Отырысқа кеңес мүшелері қатысты. Кеңес отырысының күн тәртібіне сәйкес аудандық экономика және бюджеттік жоспарлау бөлім басшысының орынбасары Қасқабаев Ахметқали сайлауалды бағдарламаның Жол картасын іске асыру мақсатындағы жұмыс жоспары бойынша тиісті бағыттарының орындалу барысына тоқталды.

Жұмыс барысында кеңес мүшелері талдау жасап, келесі отырысқа нақты ұсыныстар дайындап, тиісті мекеме басшыларын шақырып орындалу барысы туралы есептерін тыңдауға келісті.