«Халықтың қуаты – бірлікте». Осындай тақырыппен Қызылорда қаласындағы Назарбаев Зияткерлік мектебінде ұлттық тағамдардың жәрмеңкесі өтті.

Оқушылар ата-аналарымен бірге Қазақстанда тұратын ұлттардың ерекшелігін көрсететін тәтті тағамдар әзірлеп, көпшілікке ұсынды.
«Дәмді» таныстырылымда қонақтар орыстың құймағынан өзбектің палауынан, түріктің тәттілерінен дәм татып,  өзге этностардың тарихы, мәдениеті, салт-дәстүрлері туралы мағлұмат алды.
«Ұлттық тағамдар – халықтар достығы мен татулығының символы деп айтсам артық болмас. Қазақстанда тұратын әрбір ұлтты қадірлейміз, ұлттық тағамдарын сүйсініп жейміз. Біздің шаңырағымыз орыс елінің ас мәзірін ұсынып,  келушілер борщ пен картоп, бәліштер мен тоқаштардан ауыз тиді. Тағамнан бөлек дастарханамызды орыс халқының мәдениетінің белгісі ретінде матрешкалармен, ұлттық нақыштағы орамалдармен сәндедік», – дейді Дина Жанұзақова, «Күлтегін» шаңырағының оқушысы.