Жаңақорған аудандық сотында сенбілік өткізілді

Бүгін сенбі күні таңертеңгілік қолдарына күрек, тырнауыш, сыпырғы ұстаған сот қызметкерлері сот ғимараты іші мен ауласын тазалап, ағаш түбін әктеп, жерді қопсыту жұмыстарын белсенді жүргізді.

Бір үйдің баласындай ауызбіршілікпен сөзден іске кіріскен сот қызметкерлері санаулы уақыттың ішінде сот ғимаратының ішіндегі кабинеттер мен сот залдарын және ауласын айнадай тазартып шықты.

Қорыта айтқанда, еңбекқор сот қызметкерлері тазалық жұмыстарын тұрақты жүргізіп, қоршаған ортаға қамқорлықпен қарау біздің басты парызымыз деп біледі.

Әрине, жұмыс жасап жүрген орынымызды таза ұстау үшін мұндай шаралардың жиі ұйымдастырылуы маңызды. Сондықтан, сот қызметкерлері үшін сенбілікке белсенді қатысу дәстүрге айналған.

Ақпарат: Жаңақорған аудандық сотының баспасөз қызметі