Ата ананың міндеттері қандай?
Балаларын дені сау етіп өсіру, оның тән мен жан саулығын қорғау.
- Балаларына арам нәрселерді жегізбеу. Пайғамбарымыз (с.ғ.с) былай дейді: «Аллаһ жолында жұмсалған қаржылардың ең сауыптысы – отбасы мүшелері үшін жұмсалғаны. Бір адамның өз-қамқорлығындағы жандарға селсоқ қарауы оның күнәһар болуына жеткілікті».
- Баласына жақсы ат қою.
- Баласын жақсы тәрбиелеп, оған ахлақ тұрғысынан үлгі болу. Пайғамбарымыз (с.ғ.с): «Әкесінің баласына қалдырған ең үлкен мұрасы – оны жақсы тәрбиелеуі», – деген.
- Баласына намаз оқытуы, басқа да діни және ахлақи міндеттерін үйрету.
- Баласын оқытып, күнін көре алатындай мамандық иесі етіп қалдыру. Хазірет Әли былай деген: «Балаларыңды өздерің болмайтын уақыт үшін тәрбиелеңдер, өйткені олар сендер болмайтын уақыт үшін жаратылған».
- Балаларды жақсы көріп, оларға әр уақыт көңіл бөлу. Өйткені, олар ішіп-жеуді қажет еткені сияқты сүйіспеншілікті де қажет етеді. Пайғамбарымыз балаларды өте жақсы көрген.
- Балаларын жақсы көре отырып, оларға сыйлық бергенде арасын ажыратпау, тең және әділетті болу.
- Ержеткен шақта балаларын үйлендіру.
