Ереже бұзғаны үшін айыппұл салынды

Жаңақорған аудандық сотымен азамат Р-қа қатысты Қазақстан Республикасы ӘҚБтК-нің 610 бабының 1 бөлігімен әкімшілік іс қаралды.
Іс құжаттарына сәйкес азамат Р. жол жүрісі қауіпсіздігін қамтамасыз етудің белгіленген қағидаларын бұзып, өзінің басқаруындағы автокөлігімен жәбірленуші «Шалқия Цинк ЛТД» Акционерлік қоғамының теңгеріміндегі «HYUNDAI COUNTY» үлгісіндегі автокөлігіне соқтығысып, жол көлік оқиғасын жасап, мүліктік залал келтірген, яғни ол Қазақстан Республикасы ӘҚБтК-нің 610 бабының 1 бөлігінде көрсетілген әкімшілік құқық бұзушылықты жасаған.
Сот отырысында өзі жөнінде іс қаралып жатқан тұлға Р. кінәсін толық мойындап, істегеніне өкінетінін, жәбірленушіге келген мүліктік шығынның орнын толықтай қалпына келтіргенін көрсетті.
Жаңақорған аудандық сотының қаулысымен Р. Қазақстан Республикасы ӘҚБтК-нің 610 бабының 1 бөлігімен кінәлі деп танылып, оған 38 892 теңге айыппұл салынды.

Ақпарат: Жаңақорған аудандық баспасөз қызметі.