Айыппұл арқалады
Жаңақорған аудандық сотымен азамат Р-қа қатысты Қазақстан Республикасы ӘҚБтК-нің 610 бабының 1 бөлігімен әкімшілік іс қаралды.Іс құжаттарына сәйкес Р есімді азамат жол жүрісі қауіпсіздігін қамтамасыз етудің белгіленген қағидаларын бұзып, өзінің басқаруындағы автокөлігімен жәбірленуші «Шалқия Цинк ЛТД» Акционерлік қоғамының теңгеріміндегі «HYUNDAI COUNTY» үлгісіндегі автокөлігіне соқтығысады. Жол көлік оқиғасын жасап, мүліктік залал келтірген, яғни ол Қазақстан Республикасы ӘҚБтК-нің 610 бабының 1 бөлігінде көрсетілген әкімшілік құқық бұзушылықты жасаған.
Сот отырысында өзі жөнінде іс қаралып жатқан тұлға айыпталушы кінәсін толық мойындап, істегеніне өкінетінін, жәбірленушіге келген мүліктік шығынның орнын толықтай қалпына келтіргенін көрсетті.
Жаңақорған аудандық сотының қаулысымен Р есімді азамат Қазақстан Республикасы ӘҚБтК-нің 610 бабының 1 бөлігімен кінәлі деп танылып, оған 38 892 теңге айыппұл салынды.
Айқыз НЫСАНБАЕВА
