Ел ертеңі жолында белсенділік танытайық

Сайлауға қатысу – әр адамның қоғамдағы мәдениетін байқатады. Сондықтан Қазақстан Республикасының азаматы ретінде саяси науқанда биік мәдениетімізді білдіріп, сайлау пункіне барып, өз таңдауымызды жасайық.

Елдің болашағы қай партияның жетегіне кететіні халықтың берген дауыс нәтижесіне байланысты. Көзі ашық, көкірегі ояу азаматтар бұл науқанда өз биіктігін байқатады. Мен де отбасыммен осы саяси сайлауға қатысып, таңдауымды жасадым. Еліміздің тыныштығы мен ынтымағын нығайта отырып, кемел келешекке қадамды бірге жасайық. Өркениетті елдер көшіне ілесу үшін бұл саяси сайлаудың ел үшін маңызы зор. Сенің дауысың – ел ертеңінің кепілі!
Уәли Ибрагимов.
Халық ақыны, М.Көкенов шығармашылық
өнер мектебінің директоры.