Жаңақорғандықтар сайлауға белсенді қатысуда

   

     Бүгінгі жауапты науқан - сайлауға жаңақорғандықтар белсенді қатысуда. Әрбір сайлау учаскісінде кезекке тұрған тұрғындар. Таңертең аудан әкімі Ғалым Әміреев Манап Көкенов атындағы аудандық мәдениет үйіндегі сайлауды ашты. Ал, ақсақал Елеусіз Сейдеметов ақ батасын беріп, елдің кемелді келешегін айқындайтын сайлау ашық, әділ өтуіне тілектестік білдірді. Одан кейін аудан басшысы Жаңақорған агро-техникалық колледжіндегі №337 сайлау учаскесінде өз таңдауын жасады. Сонымен қатар зиялы қауым өкілдерінен Серік Мұсабаев пен агроколледждің директоры Жомарт Шәуенов және т.б танымал азаматтар дауыс берді.

    Айта кететіні, "Жаңақорған тынысы" газетінің өкілдері де өздерінің сайлау учаскілерінде дауыс беріп, сайлауға белсенді қатысты.