Жаңақорғанда 6 ұл дүние есігін ашты
Тәуелсіздік күні бұл иісі қазақ үшін ең ұлы мереке. Осы бір қасиет қанмен, ата-баба арманымен, аға-әпкелердің ерлігімен келген азаттық таңының атуы қазақ халқы үшін үлкен қуаныш. Әрине, бұл күнді мерекелеу де, тойлау да ауыр біздерге. Десе де, осы күн Жаңақорғанда 6 шаңырақ шаттыққа кенелді. Мереке қарсаңында маңдайы торсықтай ұлдар өмірге келді.
Қазақтың ханы Абылайдай болсын деп, Абылайхан, жігерлі, өр рухты болсын деп Жігер есімді ертеңгі елдің ер-азаматтары дүниеге келді.
Нәрестелердің ата-анасына алғыс айтып, сәбилердің бауы берік болсын дейміз. Қазақ елі, қуаныш еселене берсін.
