Қайырымдылық адам жанының нұры
2020 жыл- Волонтерлар жылы. Бұл Президент Қасым-Жомарт Тоқаевтың пәрмені. Волонтерлік қызметтің аясы өте кең: әлеуметтік, спорттық, экологиялық, медициналық, тағысын тағы. Еріктілік қызмет – өз еркіңмен баратын жүректің жұмысы. Ал жүректің жұмысы жанданса, қоғам өркениетке қадам басады.
Мәселен, Еуропада мықты шаштаразшы айына екі-үш мәрте өзінің бір күнін еріктілікке арнайды. Тегін шаш қысқартады. Орайы келгенде, статистиканы сөйлетіп жіберсек. Францияда халықтың 19 проценті еріктілікпен тұрақты түрде айналысады. Ал Германияда 34 пайызы айына 15 сағатын ерікті болуға арнайды. Ирландияда 33, АҚШ-та 27, Ресей халқының 8 пайызы еріктілікпен айналысады. Бірақ мұндай волонтерлік қызметті сонау Еуропадан іздемесекте болады.Өйткені, жаңақорғандық, "ЖЖЖ" ерікті мүшесі Асылжан Нұрқожаев жыл басынан бері осымен екінші мәрте балалардың шашын тегін қысқартты. Әр айдың 1 еріктілікке арнайтын болып шешті. Күні кеше 28 жеткіншектің шашын тегін қысқартып, өзінің 1 күнін еріктілікке арнады. Ал "ЖЖЖ" ерікті жастары 28 баланы ұйымдастырып, шаштаразға алып барды.
Мұнан кейін "ЖЖЖ" қоғамдық қорының белсенді мүшесі Дәулет Тұрабаев ағамыз өзінің моншасын 1 күнге балаларға босатып берді. Шаш қысқартып болған соң, балалар басейнге түсіп, моншаға шомылды.
Атсалысқан барша ерікті жастарға Алла разы болсын. Балалардың ата-анасының өтінішіне сай, суреттер әлеуметтік желіге салынбады.
