№24 (8735) 23

23 наурыз 2024 ж.

№23 (8734) 19

19 наурыз 2024 ж.

№22 (8733) 16

16 наурыз 2024 ж.

Жаңалықтар мұрағаты

«    Наурыз 2024    »
ДсСсСрБсЖмСбЖс
 123
45678910
11121314151617
18192021222324
25262728293031
» » Теңдік пен кеңдік

Теңдік пен кеңдік

«Халық үніне құлақ асатын мемлекет» тұжырымдамасы бұл ел Президенті Қасым-Жомарт Тоқаевтың Қазақстан халқына арнаған Жолдауына арқау болған маңызды бағыттың бірі. Мемлекет басшысының бұл тұжырымдамасы көптеген мәселеге қозғау салды. Аудан басшысы Сұлтан Мақашов та бұқараға барынша жақын болуды бір сәт назардан түсірмей келеді.
Билік басында отырғандар алдына көмек сұрай келген жанға барынша қолдау көрсетуді, тым болмағанда жол ңұсқауды өзіне парыз санауы керек. Бүгінде бұқара мен билік арасында осындай ахуал орнығып келеді. Мәселен Сунақата ауылының тұрғыны, төрт баланың анасы Есенкүл Бегімбетованың ұлын жұмыспен қамту  жөніндегі өтініші қанағаттандырылып, осы ауылдағы №194 мектепке заңға сәйкес 6 ай мерзімдік қоғамдық жұмысқа қабылдау жөнінде пәрмен берілді. Дәл осындай мәселемен келген аққорғандық Ақниет Сұлтан да «Раушан» балабақшасына 6 айлық жұмысқа қабылданды. Осы ауыл тұрғыны Айгүл Мұханованың тұрғын үй мәселесі жөніндегі өтініші  заңға сәйкес түсіндіріліп, ауыл басшылығы мен аудандық тұрғын үй коммуналдық шаруа­шылығы, жолаушылар көлі­­гі және автомобиль жолдары бөлімі бастығының міндетін атқарушы Нұржан Сүлейменовке тапсырылды. Ал қожакенттік Гүлзира Мақашова 1956 жылы туылған бауырын қарттар үйіне орналастыруға көмек көрсетуді сұрады. Бұл жөнінде  аудандық жұмыспен қамту орталығының басшысы Серік Өмірбек пен ауыл әкімі Әсілбек Айтжановқа тапсырма берілді. Ал кент тұрғыны Абзал Изатуллаевқа медицина саласына қарата айтылған айыптауларының  сот арқылы шешілетіндігі түсіндірілді. Кент тұрғыны Күлайна Егембердиева ұлы Ердәулетке жұмыс сұрай келіпті. Бес балалы ананың да өтініші қанағаттандырылып, ұлы кент орталығындағы №51 мектепке 6 айға мерзімдік қоғамдық жұмысқа қабылданатын болды.
Осылайша өткен ашық есік күнінде  барлығы 13 азамат қатысып, оның 3-еуінің өтініші қанағаттандырылса, қалған 10 азаматқа заңға сәйкес түсіндірмелер беріліп, жол-жобалар көрсетілді.
Президент өз Жолдауында халыққа әлеуметтік қолдау көрсетуге, ел аймақтары арасындағы теңсіздікті жоюға және халықты толғандырып жүрген басқа да мәселелерге ерекше көңіл бөлуді тапсырған болатын. Оған нақты мысалдар келтіріп, проблемаларды шешудің тиімді жолдарын да ұсынды.
– Әрине барлық тұрғынның жүрегіне жол табу оңай емес. Ол үшін билік пен халық арасында ашық диалогқа құрылған алтын көпір болуы керек. Ал сол алтын көпір мына біздер. Яғни сала басшыларының міндеті. Жұмыс барысын уақыт тауып бұқарамен кездесуге, ашық-жарқын пікір алмасуға, елдің жағдайымен жақыннан танысуға арнасаңыздар, – деді аудан әкімі Сұлтан Мақашов.
– Жүректерге жол табу, кісінің көңілінен шығу – қазаққа тән қасиет. Бір ғана өтінішпен келген едім. Уақытша болса да жұмыстың реті табылғанына қуаныштымын. Жүктелген мін­дет­­терге жауапкершілікпен қарап, көрсеткен сенімдерін ақтауға тырысамын, – деді қуанышын жасыра алмаған Ақниет Бегімбетова.
Жалпы, азаматтық қоғам қалыптастырудың алғышарттары міне осындай іс-әрекеттерден бастау алу керек. Кез келген адамға теңдік танытып, кеңдік көрсету ең алдымен адамның биік саналылығының белгісі.
Лаура БИБАСАРОВА

01 ақпан 2020 ж. 465 0