Қырымбек Көшербаев – Президент Әкімшілігінің Басшысы

Мемлекет басшысы Қасым-Жомарт Тоқаевтың Жарлығымен Қырымбек Көшербаев ҚР Президенті Әкімшілігінің Басшысы болып тағайындалды.

«Қырымбек Елеуұлы Көшербаев Қазақстан Республикасы Президенті Әкімшілігінің Басшысы болып тағайын­далсын, ол Қызылорда облы­сының әкімі қызметінен боса­тылсын» делінген Жарлықтың мәті­нінде.
Сондай-ақ Қасым-Жомарт Тоқаев Twitter-дегі парақшасында ҚР Президенті Әкімшілігінің жаңа бас­шы­сына бірқатар міндеттер жүктегенін мәлімдеді.
«Қырымбек Көшербаевты Прези­дент Әкімшілігі Басшысының лауа­зымына тағайындадым. Әкімшіліктің жұмысын жаңғырту, орталық және жергілікті билік органдарымен өзара тиімді іс-қимыл жасау тетік­терін жолға қою жөнінде бірқатар міндеттер қойдым», – деді Мемлекет басшысы.