Қандөз ауылдық округінің әкімі Эльмира Бердалиева сөз басын жарық мәселесінен бастап өткен жылы 18 бағана ауыстырылып, түн мезгілінде жарық жанып тұратынын айтты. Ең бастысы, Қандөз бен Қашқанкөл арасын жалғайтын жолға қиыршық тас төселіп, жол мәселесі шешімін тапты. «Өңірлік дамыту» бағдарламасы аясында агро аймақты қоршалап, 25 га-на егін егілді. Жастар жылында «Дипломмен ауылға» бағдарламасы бойынша бір маман көтерме қаржысын алса, 8 адам тұрақты жұмыспен қамтылды.
Ауыл тұрғыны Әбсадық Абдуллаев жарық, су, жол мәселесін, оның ішінде, аудан орталығы мен ауылға қоғамдық көлік жүрсе деген тілегін жеткізді. Оған аудан әкімі Сұлтан Мақашов бұл мәселе аудандық бюджеттен шешімін табатынын жеткізді. Бір ай сынақ мерзімінде қатынайтын көлік өз-өзін ақтаса, тұрақты қатынайтын болады. Сонымен қатар көтерілген мәселелер қатарында ауыл көшелерін асфальттау, трансформатор орнату және т.б болды.