Соңғы жаңалықтар

№24 (8735) 23

23 наурыз 2024 ж.

№23 (8734) 19

19 наурыз 2024 ж.

№22 (8733) 16

16 наурыз 2024 ж.

Жаңалықтар мұрағаты

«    Наурыз 2024    »
ДсСсСрБсЖмСбЖс
 123
45678910
11121314151617
18192021222324
25262728293031
» » Жер жаңғақтың емдік қасиеті

Жер жаңғақтың емдік қасиеті

Жер жаңғағы — жылы жақта өсетін бір жылдық өсімдік. Оны диқандар бақшаға қолдан егеді. Бойы 15 тен 80 сантиметрге дейін өседі. Мамырдың соңы, маусымның басында сарғыш гүл ашып, жемісі қыркүйекте піседі. Жер жаңғағын халық медицинасында көптеген ауруларды емдеу үшін пайдаланады.

Жер жаңғағының майы бадам майының құрамымен бірдей. Талма (эпилепсия) ауруын емдеу үшін жер жаңғағы майының бір шәй қасығын ешкінің бір стақан қайнатқан сүтіне қосып күніне 3 рет 6 ай ішкізеді. Осы әдіспен жүректің барлық ауру түрлерін емдейді. Ал таза майдан көтеу ауруына (гемморой) тампон жасаса тез жазылады. Тік ішектің қабынуын басады. Кешкілікте жатарда жаңғақ майдың бір шәй қасығын ыстық сүтпен ішіп жүрсе, жүйке жүйесін тыныштандырады, жақсы ұйықтатады, сергітеді. Майын қыздырып, теміреткі, қотырға, ерін жарылғанда жақса, әсері жақсы болады. Құлағы ауыратындар жатар алдында ыстықтай 2-3 тамшы тамызып, мақтамен бітеп қойса, бір-екі күнде ауырғаны сап тыйылады. Жер жаңғағы майының 50 грамын жарты литр алма сірке суына қосып, 2 күн ұдайы шайқап жатар алдында буындағы ревматизм, полиартрит, тұз тұнуы, хондроз, белдегі құяңға сылап жағып жүрсе, сауығуға өте жақсы көмектеседі. Осы қосындыны кешқұрым тумаған әйелдердің сегізкөзіне қатарынан он күн компресс жасаса да балалы болуға көмегі болады. 10 күн демалып, емдеуді қайта жалғастырады. Емдеу курсы үшеу. Сондай-ақ, түнде төсекке жіберіп қоятын баланың қуығының үстіне жатарда компресс жасаса, бұл жағымсыз әдеттен айығады. Жер жаңғағының 1 килограмын қазанға салып, түрі қоңыр болғанша қуырып, ұнтақтап, 1 килограм балға араластырып, күніне бір шай қасығын ыстық сүтпен тамақ алдынан жарты сағат бұрын төрт уақыт ішіп тұрса, асқазан, ішек жарасының тез жазылып бітуіне көмектеседі. Жер жаңғағының біз білмейтін емдік қасиеті осындай.



08 қараша 2019 ж. 1 403 0