«Бірлік» десе, бүйрегі бұрып тұрады...

 Ақүйік ауылында жыл сайын «15 тамыз күні» өтетін дәстүрлі «Ауыл күні» көпшілік шарасы жоғары деңгейде аталып өтті. «Бірлік деп соққан жүректер» атты тақырыпта өткен шара ауыл жастарының көпшілік серуенімен басталды.

Мәдени шара барысында жастар ән, би, көркемсөз оқудан жарысқа түсті. Сахна төрінде әр жылғы жастардың тілегі айтылды. Сондай-ақ түрлі спорттық сайыстар қол күрес, арқан тарту, гир көтеруден бақ сынады. Сан түрлі қызықты ойындар, лотерея билеті ойнатылды. Арада 25 жылдан астам уақыт өтсе де ауыл жастарының бұл мәдени шарасы өз бағасын жоғалтпай жалғастыруда.
Айта кету керек, биылғы «Ауыл күнін» 2000 жылы туылған ауыл жастары ұйымдастырды.

Ж.Сейдеметов.