ZHAS PROJEKT: ЖАЙЫЛМА ЖАСТАРЫ ҚАНДАЙ ЖОБАҒА ҚОЛ ЖЕТКІЗДІ?

Жалпы, "ZHAS PROJEKT" жобасы жаңақорғандық жастардың жаңа идеясын жүзеге асыруға үлкен мүмкіндік сыйлады. Сыр өңірі бойынша Жаңақорған ауданы 100-ден аса жоба ұсынып, соның 68-і қолдау тапты. Әсіресе, ауылдағы жұмыссыз жастарға көп жеңілдік болғаны рас. Соның ішінде Жайылма ауылының жастары 3 бірдей грантты жеңіп алып, жұмыссыздық деңгейін төмендетуге үлкен сеп болуда.
Тарқатып айтар болсақ, "Қолөнер еңбектің қайнар көзі", "Тоқсан тоғыз аурудың емі", "Ата өнері – балаға мұра" атты 3 жоба жеңімпаз атанды. Енді аталмыш жобаны үйлестіруші жайылмалық жастар іске кірісуге ниетті.
Иә, ұлттық өнерді ұлықтап, атадан қалған асыл өнерді қайта қолға алып жатқан жастардың ісіне береке тілейміз!