Кемшілікті толтыру – кемелдікке ұмтылу

Аудан әкімі өзінің орынбасарларына нақты талап-міндет белгілеп қойды. Әсілі, кем-кетік орнына қойылса, жаңашыл жұмыс жанданса, салық саясаты өз деңгейіне жетсе, құрылыс қарқын алса, бюджет кірісі артса, кәсіпкерлік кеңейсе, өндіріс өрістесе, ауыл шаруашылығының әртараптану талабы қанат жайса, өнім өндеу технологиясы серпілсе, сөйтіп елдің әл-ауқаты жетілсе, дәл мұндай «ашуға булығу» болмас еді. Иә, солай ғой!
Аудан әкімі жауапты тұлғаларға тікелей бағыттап, кірістер болжамын ұлғайту көздерін зерделеп, көлемін нақтылап және бағдарлама әкімшілеріне берілген қаражаттардан жыл соңына дейін игерілмейтін, мемлекеттік сатып алудан үнемделген қаражаттарын анықтап, аудандық бюджетке нақтылау жүргізу жөнінде ұсыныс әзірлеуді тапсырды.
Бұл жиыннан білгеніміз, «Сексеніміз жабылып, серке жыққан батырмыз» дегенге ұқсап бір-біріне сілтеу емес, әркімнің өз міндеті сараланды. Алдағы мәжіліс осыдан түйін шығарады.

Қаныбек АБДУОВ,
Нұрлат БАЙГЕНЖЕ