956 км қашықтық жолда оразасын бұзбаған

Жақында ауыл-аймақтағы жиын тойдың арасында қызмет етіп жүріп, көпшіліктің гу-гу әңгімесіне еркісіз құлақ түрдім. Барлық адамның таңғалысып жатқаны, сол жиынға Алматыдан арнайы келген 50 жастағы қонақ кісі Алматыдан Жаңақорғанға жеткенше оразасын бұзбапты. 956 км жолдың қашықтығы мен автобус арқылы бір тәулік жүріп келетін жолға сабыр мен шыдамдылық танытқан Шәрипа Нажмудинова  бұрын екі рет Қажылыққа барып, Алланың мекенін зиярат еткен екен. Осыншама ыстық пен ауа-райының қолайсыздығына шыдап, тамақ пен судан тыйылып, жолда жүрсе де оразасын бұзбаған жанға сұрақ қойғанымда:

• Алла Тағала ораза тұтушы пендеге өзі қорған болады екен. Жолдың ұзақтығы шаршатқаны рас, бірақ Аллаға шүкір оразам жеңіл өтті. Жылына бір ақ рет келетін қасиетті айда толық 30 күн ұстанғым келді. Сол үшін оразамды бұзбадым. Ең бастысы, жүректегі ынта-ықылас, иман берік болуы тиіс. Ал, қалған тамақ, су дегендерге шыдауға болады. Еш қиындығы жоқ, – дейді алматылық Қажы.  

Иә, егде тартқан 50 дегі апайдың бұл сөзінен көп тәмсілді ұғуға болатындай. Жап-жас болып оразамын деп ұйықтап жатқан жандардың жанында бұл кісінің оразасы ерекше артық сынды. Ниетіне қарай амалы болған апайдың оразасынан көпшілік үлгі алса, Алладан алар сауабымыз да үлкен болар бәлкім...