Өлең жырды оқимыз, көңілге оны тоқимыз!
18 қаңтар Жаңақорған аудандық балалар кітапханасында балалар ақыны Ермек Өтетілеуовтың туғанына 85 жыл толуына орай "Өлең жырды оқимыз, көңілге оны тоқимыз!" атты әдеби круиз болып өтті. Мақсаты: Балалар ақыны Ермек Өтетілеуұлының өмірі және шығармашылығымен таныстыра отырып, жас оқырмандарды адамгершілікке,қарапайымдылыққа, кішіпейілдікке, еңбексүйгіштікке үйрету. Адам бойындағы ұнамды, ұнамсыз қылықтарды ажырата отырып, әдеп әліппесін бойында дарыту, жаманнан жиренуге, жақсыны үйренуге тәрбиелеу. Шараға "Қыран " мектебінің оқушылары қатысып, ақынның "Әдептілік- Әдемілік" кітабы бойынша әдептілік атты таңғажайып әлемге қызықты саяхат жасады. Балалар, ақынның әдептілік, сыпайылық жайлы өлеңдерін оқыды. Шара соңында аудандық " Жаңақорған тынысы" газетінің тілшісі Әсел Ибрагимова қорытындылады.
