Сыр мен Ертістің арасы жақындай түсті

Мәдениет саласының қызметкерлері тың бастаманы қолға алды. Ол – Павлодар облысының Успен ауданымен рухани-мәдени ынтымақтастық орнатып, екі ауданның өнерпаздары бірлесе іс-шаралар атқарды. Мәдени бағытта басталған ынтымақтастықтың алтын көпірін жалғаған жаңақорғандық өнер майталмандары солтүстіктегі шекаралық ауданға шығармашылық сапармен барғанында «Мәшһүр Жүсіп» мистикалық драмасын қойып, сый жасады.