Қайрат Нұртастың туған күніне балалары ерекше тосынсый жасады. Төрт баласы әкесіне арнап бейнебаян түсірді. Видеоны Жұлдыз Әбдікәрімова желідегі парақшасында жариялады, деп жазады Stan.kz.

“Балалардың әкесіне жасаған тосын сыйы. Сіздермен кешегі кештің ең керемет болған бөлігімен бөлісудемін. Ізгі ниеттеріңізге алғыс айтамыз! Тілеген тілектеріңіз отбасыларыңызға еселене қайтуды Алла нәсіп еткей!” – деп бөлісті Жұлдыз.
Сезім, Алау, Нарұл және кішкентай Хан Қайрат туған күніне орай тырысып баққан. Ағайынды төрттіктің видеосы Қайраттың 30 жас туған күнінде көпшілікке ұсынылды.