Әр туындысын отбасылық тақырыпқа арнайтын Серік Ибрагимов бұл жолы да бұрынғы әдетінен танған жоқ. Ол қызғаныштан күйеуінің әр ісін бақылайтын қыз-келіншектерге арнап бейнебаян түсірді, деп хабарлайдыStan.kz ақпараттық агенттігі.“Қызғаншағым менің” атты клипте жұлдызды жұп Жанболат пен Жазира басты рөлді сомдаған.
Бейнебаян желісі бойынша, Жазира Жанболаттың әр қадамын жіті қадағалайды. Телефонын тексеріске алып, үстінен бір тал шаш тапса да, қызғанады.
Ал Серіктің өзі бейнебаянда – Жанболат пен Жазираның жүргізушісі.
Бұл орайда Ибрагимовтің кезекті туындысы көрермен қауымның оңды бағасынан үлесті болып үлгерді. Көпшілік жаңа клиптің өте қызықты шыққанын айтып, әншіге алғыс жаудырып жатыр.