Дарынды дережер дәріптелді
Қаратаудың талантты тумасы, Қазақстан Республикасының халық әртісі, мемлекеттік сыйлығының лауреаты, профессор, Қазақстан Республикасының еңбек сіңірген қайраткері, дирижер Төлепберген Әбдірашевтың туғанына 70жыл толуына арналған облыстық вокалистер байқауы өтті.
Байқауға Қызылорда қаласынан, Жаңақорған ауданынан, Шиелі ауданынан, Сырдария ауданынан, Жалағаш ауданынан, Қармақшы ауданынан 15 үміткер қатысып бақтарын сынады. Жоғары деңгейде дайындықпен келген қатысушылар көрермендер құлағының құрышын қандырды. Қатысқан өнерпаздарды екі дауысқа бөліп марапаттады. Әйел дауысы арасында бас жүлдені Омар Назерке жеңіп алса, Ер дауысы арасында бас жүлдені Рызманов Руслан иеленді. Жаңақорған ауданынан қатысқан Әбдірейім Әзиза бірінші орынды қанжығасына байлады.
