Үздік орындаушы – Айсауле!

Жақында Жалағаш ауданы, Жаңадария ауылдық клубы қызметкерлерінің ұйымдастыруымен Жалағаш ауданының 85 жыл толуына орай ұйымдастырылған "Аспанында ән тербеген Жаңадария" атты ән фестивалі өтті. Манап Көкенов атындағы аудандық мәдениет үйінің әдіскері, әнші Айсауле Кияс аудан атынан қатысып "Үздік орындаушы" бас аталымын жеңіп алды.

Осы орайда айта кетейік, өңіріміздің мақтанышы Айсәуленің бұл үшінші ән додасы. Осыған дейін Мадина Ералиеваның туғанына 70 жыл толуына орай әншіміз Қызылорда қаласында өткен облыстық байқауда 1 - орынды жеңіп алып, республикалық байқауға жолдама алса, республикалық байқаудың дипломанты аталған болатын.
Айсәуле Қиясқа болашақта да биіктен танылып, мерейің үстем бола берсін демекпіз.

Әсел Рзаева