Халықаралық балалар кітабы күні тойланды

Бүгін "Шаңырақ" аллеясында «Әлем –ВООК» жобасы аясында Халықаралық балалар кітабы күніне орай «Кітап – адамзаттың жақын досы» атты рухани шара өтті. Онда кітаптар шеруі, көрмелер қойылып, балалардың қатысуымен концерттік бағдарламалар мен түрлі қойылымдар көрсетілді.

Шараға аудан әкімінің орынбасары Бектас Нуридинов, зиялы қауым өкілдері, кітапхана оқырмандары, ата-аналар және мектеп оқушылары қатысты.

Алғы сөзді алған аудан әкімінің орынбасары Бектас Нуридинов балаларды айтулы күнмен құттықтап, арнайы шараға шақырылған қонақтар жазушы, балалар ақыны Адырбек Сопыбековтің жары Шарипа анамыз бен балалар ақыны Оразбай Қосановқа қазақы дәстүрге сай шапан жауып, сый-құрмет көрсетті.

Онан кейін, аудандық мәдениет және тілдерді дамыту бөлімінің басшысы Әбілқайыр Сыздықов «Ең үздік оқырмандарға» "Алғыс хатын" табыс етті.

Шара балалардың концерттік бағдарламасына ұласты.