«ҚЫЗЫЛОРДА: КЕШЕ, БҮГІН, ЕРТЕҢ»

А.Тоқмағамбетов атындағы мәдениет Үйінде Қызылорда қаласының 200 жылдығына арналған «Қызылорда: кеше, бүгін, ертең» атты тарихи-танымдық кеш өтті.
Ұйымдастырылған шараның басты мақсаты, тарих қойнауында қатпарлы ізі қалған талай оқиғаның құрбанына айналған жандарға пана болған, сан ұлт пен ұлысты жатсынбай бауырына басқан алты Алаштың анасы, Сыр өңірінің бас қаласы – Қызылорда қаласының 2 ғасырлық тарихындағы жетістіктері мен айтулы кезеңдері туралы кеңінен насихаттау.
кеш барысында қала әкімі Н.Нәлібаев барша қызылордалықтарды 200 жылдық мерейтоймен құттықтады.
А.Тоқмағамбетовтың «Қызылорда» поэмасын оқыған «Жастар театрының» әртістері, мағыналы кештің мазмұнын арттырды.
Тарихи-танымдық кешті елімізге белгілі журналист, «Нұр Отан» партиясы Қызылорда облыстық филиалы төрағасының орынбасары Ержан Байтілес жүргізді.

Қызылорда қаласының әкімдігі.