15-20 ақпан аралығында Қызылордада ауыр атлетикадан 20 жасқа дейінгі жасөспірім ұлдар мен қыздар арасында Қазақстан Республикасының чемпионаты өтті. 
Алты күнге созылған жарыста еліміздің барлық аймақтарынан келген 245 зілтеміршілер кімнің мықты екенін анықтады. Оның 155-і ұлдар, 90-ы қыздар. 
Жарыс қорытындысы бойынша Алматы қаласының ұлдар командасы топ жарды. Қызылорда облысының командасы екінші орыннан көрінсе, Алматы облысы үшінші орынды еншіледі. 
Ал қыздар арасында Алматы облысының командасы жеңімпаз атанды. Екінші орынды Алматы қаласы, үшінші орынды Қызылорда облысының командалары иеленді.