Жаңақорған ауданында ауа температурасы құбылмалы. Күннің күрт жылынуы өзендегі мұз қабаттарының жібуі мен қатар, жылдам еруіне әкеліп соғатыны белгілі. Демек, Сырдария өзенінің бетін жапқан мұздың қалыңдығы да әртүрлі.

Осыған орай, орны толмас оқиғаны болдырмас үшін және қауіпсіздік шараларын сақтау мақсатында Жаңақорған ауданы Полиция бөлімі тұрғындардың назарына -Мұз үстіне мотоциклмен, автокөлікпен шықпауды;-балық аулау кезінде көптеген шұңқырларды қатар қазбау керек, бұл өте қауіпті екендігін;-Балық аулаған шұңқырларды қоршап немесе белгі қойып кетіңіз, өйткені ол жерлер адам өміріне қауіп төндіруі мүмкін екендігін;-ата-аналардан балаларды мұзға (балық аулауға, шаңғымен және конькимен сырғанауға) қараусыз жібермеуді; -Мұз үстінде бір жерде топталып жиналмауды;-Қараңғы кезде, көрінбейтін уақытта (тұман, қар жауу, жаңбыр) және мас күйде мұз бетіне шықпауды қатаң түрде ескертеді.