Хабарландыру
Казгидрометтің хабарлауы бойынша облыс көлемінде 2023 жылдың 09-16 қаңтар күндері аралығында ауа-райының -25 градусқа дейін күрт суытуы (тұман, жаңбыр аралас қар, көктайғақ, қатты бұрқасын) күтілуде.
1. Ауа райы қолайсыз күндері мүмкін болса автокөлікпен ұзақ жолға шықпауды (әсіресе түнгі уақытта);
2. Автокөлікпен ұзақ жолға шыққан жағдайда мүмкін болса балаларды өздеріңізбен бірге алып шықпауды және өздеріңізбен жылы киімдер мен азық-түліктер алуды;
3. Автокөлікпен ұзақ жолға шығар алдында автокөліктің ақаусыз екендігіне толық көз жеткізуді;
4. Елді-мекеннен шалғай жерлерде мал ұстайтын азаматтар уақытылы өздерінің қыстық отындарын, азық-түліктерін, малдарының жем-шөптерін түгелдеп, ауа райы қолайсыз күндері жолға шықпауды;
5. Мал іздеуге немесе аң, балық аулауға шығатын болсаңыз ұялы телефоныңыздың қуаты толықтығына көз жеткізуді және қай жаққа, кіммен, немен, қашан шығатыңыз туралы жақындарыңызға немесе туысқандарыңызға ескертіп кетуді;
Төтенше жағдайларға тап болсаңыз міндетті түрде «101» немесе «112» байланыс телефондарына хабарласуыңызды сұраймыз.
