Жамбыл облысында жол жабылды
Жамбыл облысының Жуалы ауданына қарасты Шақпақ ата ауылының тұсында күре жол жабылды. Көктайғақ. Сондай-ақ соққан қатты боран салдарынан трассаны қар басып қалды.
Құрметті біздің оқырмандар, алыс жолға шықпауларыңызды сұраймыз. Айта кетейік осы сәтте Жамбыл облысындағы боранда жолда қалған 37 бала құтқарылды. «Алматы-Термез-Ташкент» жолының жабық учаскесінен ТЖД қызметкерлері 110 адамды, оның ішінде 37 баланы эвакуациялаған. Барлығы дерлік ауылдағы жылыту пунктіне жеткізілді, деп хабарлайды Қазақстан ұлттық арнасы.
