Х А Б А Р Л А Н Д Ы Р У !
Құрметті аудан тұрғындары мен мал шаруашылығымен айналысатын шаруа қожалықтарының иегерлері! Сыр беткейдегі тұрғындар!
Осының алдында да бірнеше мәрте хабарлағанымыздай, қазіргі таңда Сырдария өзеніне жоғарыдан көп мөлшерде су келіп жатыр. Осыған байланысты өзектер мен жайылымдық жерлерге су жайылуда. Яғни, Сіздерден Сырдария өзенінің жағалауындағы тоғай алқабында жайылымдарда жүрген малдарыңызға иелік жасауларыңызды және қауіпсіз аймақтарға айдап шығаруларыңызды сұраймыз. Мәселе аудандық Төтенше жағдайлар штабының тікелей бақылауында, елдімекендерге ешқандай қауіп жоқ. Бүгін аудан әкімі М.Тлеумбетов бастаған жедел штаб құрамы дария бойындағы қауіпті саналар аймақтардың барлығын аралап көріп шықты, тиісті шешімдер қабылданып, жұмыстар жүргізілуде. Су мамандарының ресми ақпаратына сәйкес Жаңақорған кенті тұсында дария суының деңгейінде азаю байқалады. Сонда да болса, "сақтықта қорлық жоқ" демекші, жайылымдарда жүрген малдарды тездетіп қауіпсіз жаққа айдап шыққан абзал.
Дария суы бірқалыпты, елді мекендерге қауіп жоқ, барлық қауіпті деген аймақтарға кезекшіліктер қойылған!