ҰБТ: Қаржауова Береке 122 балл жинады

Ұлттық бірыңғай тестілеуде Жаманбай батыр ауылдық түлек Қаржауова Береке ең жоғарғы 140 ұпайдың  122 ұпайын жинады. Ол Жүсіп Қыдыров атындағы №54 мектептің 11-сынып оқушысы.

«Таңдау пәнім – қазақ тілі мен әдебиеті. Маған тест сұрақтары қиындық туғызған жоқ. Мектеп қабырғасында алған білімім мен қосымша дайындығының арқасында осындай нәтижеге жеттім деп ойлаймын. Сынып жетекшім, пән мұғалімім және барлық пән мұғалімдеріне үлкен алғысымды білдіремін»,-дейді Қаржауова Береке.
Айта кетейік, ұлттық тест 30 маусымға дейін жүреді. Әзірге дейін Жаңақорған ауданы бойынша 132 ұпай ең жоғарғы ұпай қатарында. Ал, он екі оқушы 120-дан жоғары ұпай еншіледі.