Қызылордалық гимнастшылар үздік өнер көрсетті

Қызылордада көркем гимнастикадан «Сыр жұлдыздары» атты облыстық ашық чемпионат өтті. Облысымызда алтыншы мәрте ұйымдастырылған жарысқа еліміздің әр өңірлерінен 13 команда 340 спортшы қатысты. 
Сайыс кезінде жеке және топтық жаттығу бағдарламалары бойынша 2001-2012 жылдары туылған гимнастшы қыздар өз өнерлерін ортаға салды. 
Жарыста 1-6 орынды иеленген гимнастшылар облыстық дене шынықтыру және спорт басқармасы, облыстық көркем гимнастика федерациясы және ата-аналар комитеті дайындаған диплом, медаль, бағалы сыйлықтармен марапатталды.