Аптап ыстықтың себебі не?

     Қазақстанда күннің қатты ыстық болуына Ирак пен Иран аумағынан үздіксіз жетіп жатқан ыстық және құрғақ ауа себеп. Бұл туралы "Қазгидромет" хабарлайды. 

 
 Мамандар 13-15 шілде күндері еліміздің аумағында ауа температурасы қалай өзгеруі мүмкін екенін хабарлады.

   Демалыс күндері республиканың көптеген облысында температурасы 35-40 градусқа дейін жоғарылайтын ыстық болады. Қазақстанның оңтүстігінде күн бұдан да қатты ысиды, күндіз 40-45 градус болады. Шығыста салқындау болады, жекелеген аудандарда өткінші жаңбыр жаууы мүмкін және күндізгі температура 25-35 градустан жоғарылайды, – деп хабарлады “Қазгидромет” мамандары.

    Сонымен бірге Қазақстанның қиыр батысында атмосфералық фронттардың өтуіне байланысты найзағай ойнап, өткінші жаңбыр жауады және аптап ыстықтың беті қайтады.