ҰЛТТАРДЫ БІРІКТІРГЕН – ҰЛЫ ТІЛ

/зияткерлік сайыс/
20 маусым күні Ә.Тәжібаев атындағы облыстық әмбебап ғылыми кітапханасында Тәуелсіз елімізде өмір сүріп отырған түрлі ұлт өкілдері арасындағы достық пен бірлікті нығайту және өзге тілге деген құрметті қалыптастыру, Отанға деген сүйіспеншілікті арттыру мақсатында «Ұлттарды біріктірген –ұлы тіл» атты сайыс өткізілді. Мәдени шараға №12 І.Қабылов атындағы орта мектептің жанындағы күндізгі тынығу лагерінің демалушылары қатысты. Сайыс «Танысу», «Эрудит», «Ақылдың кені» , «Санамақ», «Полиглот» атты 5 тур бойынша ұйымдастырылып, сөзжұмбақ, мақал-мәтелдер, жаңылтпаштар викториналық ойын түрінде қазақ тілінде өткізілді. Шара соңында оқушылар елдер мен халықтар жайлы әңгімелейтін әдебиеттермен танысты және кітапханаға экскурсия жасады.