5-9 наурыз аралығында Қызылорда қаласында өткен бокстан жасөспірімдер арасында Қазақстан Республикасының батыс аймақтық чемпионаты мәресіне жетті. Бұл сынға жаңақорғандық былғары қолғап шеберлері де мықты дайындықпен барды.

  Төрт күнге созылған бокс бәсекесінде 34 келі салмақта өнер көрсеткен Мыңжасар Нұрасыл алтынмен сүйіншіледі. Дәл осылай қарсылас шақ келтірмеген Олжас Мүтән тұғырдың биігінен көрініп, жеңімпаз атанды. Ал, 48 келіде бақ сынаған Олжас пен Нұрасылдың жүлделі жолын 66 келі салмақта шаршы алаңға көтерілген Асылан Елдібайұлы жалғады. Алайда, Асылан күмісті қанағат тұтты. Ол да мамыр айында өтетін ҚР-ның чемпионатына жолдама алды. Спортшылардың жаттықтырушылары Жандос Жаназаров жане Дінмұхамед Абайхан.