Денсаулық сақтау саласында 255 мың еңбеккердің жалақысы өседі

Айталық, жалпы тәжірибедегі дәрігер мен алғашқы медициналық-санитарлық көмекке қарасты терапевт және педиатр сынды қызметкерлердің табысы 35 мың теңгеге артуы тиіс, деп хабарлайды 24.kz сайтына сілтеме жасап "Жаңақорған тынысы" газеті.

Сол секілді акушер-гинеколог, неанатолог, анестезиолог, реаниматолог, онколог дәрігерлер бұдан былай 30 мың теңгеге көп жалақы алады. Бұған қоса орта және кіші буынды медицина қызметкерлерінің табысы артады. Денсаулық сақтау саласынан бөлек, білім беру ұйымдарының еңбеккерлері де ұлғайтылған жалақыға ие болады. Бұл – мектепке дейінгі мекемелер мен интернат тәрбиешілері, методист, әлеуметтік педагог, психолог, тізе берсек, 500 мыңға тарта қызметкердің жалақысы өседі деген сөз. Оның ішінде кітапханашы, тәлімгер, есепші, ісқағаз жүргізуші, еден жуушы, аула сыпырушы және отжағушы да бар.