Республикалық «Қыран-2018» құсбегілер байқауында 13 жастағы Бексұлтан Сейтжан топ жарып, І-орынды қанжығасына байлады.
Алматы қаласының ипподромында өткен ұлттық спорт ойынына 10 аймақтан 60-қа жуық саятшылар қатысты. Олар үш күн бойы алысып ең мықтыны анықтады.
 Алғашқы кезеңде сайысқа қатысушылар құсты ат үстінен қолға қондыру, шырға тарту сынды өнерлерімен көзге түссе, келесі кезеңге жолдама алған бүркіттер қоян мен түлкіге шапса, қаршыға және ителгілер қолға шақырылып, көгершін аулады.
Дереккөз: мassaget.kz сайты.