ЕСЕПТІ КЕЗДЕСУ: ӨНЕРКӘСІП ӨНДІРІСІ ӨРІСТІ

Жаңақорған ауданында өнеркәсіп өнімдерін өндіру 2019 жылдың 1 қаңтарына 80255,9 млн. теңге болып, 2017 жылдың тиісті кезеңіменсалыстырғанда нақты көлем индексі 84,5 пайыз болған деп хабарлайды Жаңақорған ауданы әкімінің есепті кездесуіне сілтеме жасап zhanaqorgan-tynysy.kz интернет газеті.  Әкім баяндамасынан белгілі болғандай, өңірде өңдеу өнеркәсібінің көлемі  2019 жылдың 1 қаңтарына 43634,5 млн. теңге болып, өткен жылдың тиісті кезеңімен салыстырғанда нақты көлем индексі 84,6 пайызды құраған.
       – Өнеркәсіп бойынша тұтас нәтижелерді қалыптастыруға өңдеу өнеркәсібі мен кен өндірісі саласы елеулі ықпал етіп келеді. Бөлшек сауда көлемі 5143,2 млн теңгеге жетіп, өткен жылдың тиісті кезеңіне нақты көлем индексі 101,0 пайыз болды.
       2019 жылдың  1 қаңтарына негізгі капиталға тартылған инвестиция көлемі  31230,4  мың теңге болып, 2017 жылдың тиісті кезеңімен салыстырғанда нақты көлем индексі 120,1 пайызға артты, – деді аудан әкімі Ғалым Әміреев.