Адами капиталдың жаңғыру негізі ретінде білім берудің жаңа саласына ден қоя бастағанымыз айқын. Десек те, оның ең басты тұтқасы ретінде ұстаз біліктілігі басты мазмұнға ие болып қала береді. Интеллектуалды, «мен» тұғырнамасы түзік, жаһандану жағдайындағы жаңалық атаулыға тәуекелі басым тұлға тәрбиелеу ісінде ұстаз шығармашылығының шығар көкжиегі кең.
Елбасының Жолдауы осы бағытты одан әрі тарқата, одан әрі тереңдете түсетін тетіктерді нақтылауымен ағарту саласы өкілдеріне үлкен жауапкершілік артып отыр.
Мемлекет басшысы ұсынған алдағы уақытта «Педагог мәртебесі» туралы арнайы заң қабылдау мұғалім құзыреттілігін қуаттап, салмағын арттырып қана қоймайды, сонымен қатар қоғамдық қатынаста да саналы көзқарас қалыптастырып, ұстаздың беделін биіктететін алғышарттар деп сеніммен айта аламыз.
Ұстаз – ұлық болмай, білім түзік болмайды. Мұғалімнің басқан ізін қадірлеген халықтық үрдісіміз де осы қағиданы үлгі тұтты...

Жеңіс ИБРАГИМОВ,
№125 мектептің директоры.