Қожакенттік шаруашылық 80 гектардан 80 центнерден өнім алды

Иә, Қожакент ауылдық округінің «Нұрбол И» шаруа қожалығы биыл 80 гектар күріш егіп, оның гектарынан 80 центнерден өнім алды.
– Көктем кеш шығып жерге дән де кеш себілді. Сырдарияның суы жылдағыдан аз болды. Бірақ, әр нәрсенің қайыры бар деген рас екен-ау. Биыл агротехникалық шараларды толық жасаудың арқасында өнімділік артты, – дейді шаруашылық басшысы Оразәлі Тұрсынбаев.
Жалпы, Қожакент ауылдық округі нарықтық қатынастарға бейімделіп, табысты болудың жолын тапқан. Оған ауылдағы 40-қа жуық жүк көлігі қысы-жазы дамыл таппай. қарекет ететінін дәлел. Қарабұлаққа жетуді мұрат еткен қожакенттіктер өткен жылы Жаңақорған ауданындағы "Үздік ауылдық" округ атанған-тұғын. Биыл облыста үздік шығуға ниетті. Мұны ауыл әкімі Асылбек Айтжанов айтты.