Робототехника кабинеттері ашылды

Бұл туралы Жаңақорған аудандық білім бөлімінің басшысы Болат Мақсұтұлы мәлімдеді.
Оның айтуынша, өткен оқу жылында 10 млн 62 мың теңгеге оқушылар роботтарды компьютермен басқару жолдарын оқып үйренуге арналған 3 робототехникакабинеті ашылып жұмыс жасап жатыр.
Мектеп оқулықтарының қолжетімділігі бүгінгі күннің басты мәселелерінің бірі болып отыр. Сондықтан осы жаңа оқу жылында 166 529 000 теңгеге 3, 6, 8 сыныптардың жаңартылған білім мазмұны бойынша оқулықтары мектептерге таратылып, 100 пайыз қамтылды. Сонымен қатар бала өсіміне байланысты 1, 2, 5, 7-сыныптарға жетіспейтін оқулықтармен қатар жұмыс дәптерлері алынды. Нәтижесінде, 42 мектептің барлығы жаңартылған білім мазмұны бойынша оқулықтармен және оқу әдістемелік кешендермен толық қамтамасыз етілді