Робототехника кабинеттерінің жай-күйі қандай?

Тамыз кеңесінде Жаңақорған ауданы білім бөлімінің басшысы Болат Ибрагимов оқушыларға заман талабына сай білім беріп, олардың робототехникаға деген қызығушылығ арттырып жатқанын айтты.
Оның сөзінше, заман талабына сай Робототехника, құрастыру, бағдарламалау, үлгілеу, 3D-жобалау және тағы да басқа жаңа идеялар мен жарқын бастамалар енді дүниежүзінің қазіргі оқушыларын қызықтыруда. Бұл қызығушылықтарды жүзеге асыру үшін анағұрлым күрделі дағдылар мен құзыреттер керек. Сондықтан білу мен жасау ғана емес, сонымен қатар зерттеу және ойлап шығару маңызды болып отыр. Ғылым, математика, технологиялар және инженерия сияқты басты академиялық салаларда бір мезгілде даму керек.
2018 жылдың мамыр айында286 дана планшет (барлық мектептерге), 220 дана вай-фай модем (барлық мектептерге) берілді. Сонымен қатар, 12 комплект робототехника кабинеті, 1 комплект 3 D кабинеті, 1 комплект цифрлы лабораториялық білім беру кабинетін жабдықтауға конкурс жарияланды.