Ұстаздар ағылшын тілінен біліктілігін шыңдауда

Жаңақорған ауданы білім бөлімінің басшысы Болат Мақсұтұлы Тамыз кеңесінде ұстаздардың біліктілік арттыру барысындағы курстардан уақытылы өтіп жатқанын жеткізді.
– 2017 жылғы қыркүйектен бастап жаратылыстану бағытындағы ғылыми пәндерді ағылшын тілінде оқыту  бойынша 46 педагог ағылшын тілінен біліктілік арттыру курсына жіберілді, оның ішінде 4 педагог 10 айлық курс бойынша біліктілік арттырса, 23 мұғалім 9 айлық ағылшын курсының сертификатын алды. 2018 жылдың тамыз айынан желтоқсан айына дейін  19 мұғалім оқуларын жалғастыруда. Осы жылдың маусым айында Робототехника бойынша 26 мұғалім біліктілік арттыру курсынан өтті, – деді ауданның бас ұстазы.