СЫРДЫҢ СӨЗ ЗЕРГЕРІ

Сыр елінің көрнекті қаламгері, ақын, драматург, журналист, Қазақстан Жазушылар одағының мүшесі Асқар Кіребайұлының туғанына 80 жыл толуына орай «Сырдың сөз зергері» атты дөңгелек үстел ұйымдастырылды.
Руханият орталығында өткен рухани басқосуға орталықта орналасқан мекемелердің қызметкерлері мен оқырмандар қатысып, қаламгердің өмір жолы мен шығармашылық мұрасы төңірегінде ой бөлісті.
Тағылымды шара барысында Асқар Кіребайұлының қазақ әдебиетіне қосқан үлесі, сөз өнеріндегі қолтаңбасы мен шығармаларының рухани мәні сөз болды. Қаламгердің өнегелі ғұмыры мен әдеби мұрасы кейінгі ұрпаққа бағыт-бағдар беретін асыл қазына екені атап өтілді.
Қаламгердің сөзі – ұлттың рухани шежіресі. Оның әдеби мұрасын насихаттау – сөз өнерін құрметтеу, рухани құндылықтарды ұрпақ санасына сіңіру жолындағы маңызды қадам.